San Juan gaua
San Joan gaueko ospakizunak udako solstizioarekin, Ipar hemisferioan, erlazionatutako ospakizun paganoan du jatorria. Udako solstizioa urteko egunik luzeena eta gau laburrena dugun garaia da. Egun hori ekainaren 21a edo 22a izaten da; gaur egun, erlijio katolikoa dela eta, ekainaren 24an ospatzen da San Juan Bautistaren omenez.
Europako herrialde ugaritan ospatzen da suarekin udako solstizoaren gaua; hala nola: Espainia, Portugal, Finlandia, Estonia, Dinamarka, Gales, Eskozia, Irlanda, Inglaterra e.a. Hedadura hau ikusita, erritual honen jatorria Europan antzinako kultura indoeuroparretik datorrela esan daiteke.
Euskal Herrira, ziurrenik, zeltek ekarriko zuten erritual hau orain dela 3000 urte inguru. Geroztik gure ohituretan barneratua iraun du, baina kristautasunak bereganatu eta egokitu egin zuen, beste zenbait ospakizun pagano lez, eta gaur egun San Joan Bautista saindu katolikoaren egunarekin batuta ospatzen da.
Ohitura ezagunena, baserri atarian eta herriko plazetan sua piztea da. Bertan erretzen dira zuhaitz adar eta traste zaharrak, garbikuntza-berrikuntza sinesmenekin, jai giroan ospatzen den gau magikoan. Tradizioak dionez, su horrek fenomeno naturalen aurkako doain babeslea du eta su-garretatik ateratzen den keak zenbait gaixotasun sendatzen ditu.
Antzeko Artikuluak
GURUTZONDOAK ELORRION
Elorrioko gurutze multzoa Euskal Herriko ugariena da gaur egun. Euskal Autonomia Erkidegoko inbentarioan bilduta dauden gurutzeen ehuneko hamar osatzen du. Bederatzi gurutze daude gaur egun Elorrion. XVI. mendeko lanak dira guztiak eta Kurutziagakoa izan ezik, gotiko...
EMAKUMEAREN NAZIOARTEKO EGUNA. M8
1975. urtean Nazio Batuen Erakundeak Emakumeen Nazioarteko egun izendatu zuen martxoaren 8a. Urte batzuk atzera egin behar dugu, 1917.urtera hain zuzen ere, Emakumearen Nazioarteko Egunaren jatorria aurkitzeko. Urte hartan, martxoaren 8an Errusiako emakumeak greba...
ELORRIO. HARRIA ETA TALADRINA
2022. urtean, Elorriok burdinarekin eta industriarekin izan duen lotura historikoa jasotzen duen “Harria eta Taladrina” aldizkariaren ibilbideari ekin zion. Aldizkari honek industria ondarea ezagutaraztea eta zabaltzea du helburu, modu dibulgatiboan, inklusiboan,...