EGUN 1 ELORRION

Egun bat osorik ematera etorriko zarete Elorriora. Herria prest dago hemendik alde egindakoan, herria ezagutu duzuela esan dezazuen.

Alde batetik, enpresa pribatuen eskaintza duzue. Herriko eragileak, deitzen diegu, herri dinamikoa sortzen nagusiak direlako: turismo aktiboan aritu, baserri mundura gerturatu, txakoli dastaketa bat, Berrio-Otxoaren bizitzan sakondu,… Interes desberdinentzako aukerak daude herrian: umeekin egiteko, lagun-koadrilan, erlijio-turismozaleentzat,…

Zure bisita prestatzen ari zarenean, ez ahaztu tarte bat aurreikustea eguerdiko mokadutxoa hartzeko. Lotura honetan ikusi taberna aukerak. 

Alde zaharreko monumentuak eta historia zehaztasunak ezagutzeko, audiogida gomendatzen dizugu. Turismo bulegoan hartu ahal duzue edo hemen zeuen telefonoetara jaitsi.

Bazkaltzeko ordua iritsi bazaizu, eskuineko laukian klikatuz, jatetxeen aukerak aurki ditzakezu. 

Turismo bulegora hurbildu zaitez. Ikusi(ko) duzunari buruzko publikazioak dituzu edo oroigarri aukera zabala ere bai. Eta mapak eta gidak dohainik, jakina: ibilbide desberdinak, gurutzeen jakingarriak, monumenturik garrantzitsuenak…

Bertatik kilometro eta erdira dago Argiñetako nekropolia. Ezinbestekoa, Elorriora etortzen zaren lehenengo aldian. Eta gainerakoetan ere bai. Zergatik ez? Urteko sasoi desberdinen xarmak gozatzeko.

Atseden ordua heltzen bazaizu bertan, bilatu ohe bat eta lasai egin lo, bapo edo neurriz afaldu ondoren. Zeuk aukeratu!