EGUN ERDIA ELORRION

Lan bilera batera etorri zarelako edo beste norabaiterako bidean eten bat egin duzulako, egun erdi baino ez duzu emango Elorrion.

Ezin duzu alde egin ALDE ZAHARrean paseotxo bat egin gabe. Ikusiko duzu 1356an hiribildua sortu zeneko egitura bera duela: plazan abiatzen diren bi kale “luze”ak (Errekakale eta Kanpokale) eta trabeseko kantoi batzuek zeharkatzen. Eskema bat diseinatu ostean, banatu ziren espazioak etxeak eraikitzeko (bakoitza bere baratzarekin). Eta harresiz inguratu zuten eremu hori. Hiribilduan bertan, plazara irteten zarenean eta baita errabaletan ere jauregi asko ikusiko dituzu, Elorrio hain ospetsu egiten dutenak. Ez da gutxiagorako ere, asko, kalitate onekoak eta estilo arkitektoniko desberdinetakoak direlako. Eta eremu horretatik urrundu gabe, Bizkaiko gurutze multzo handiena eta baliotsuena duzu.

Plana intereseko ikusten baduzu, hartu audiogida turismo bulegoan eta antolatu ibilbidetxoa zeure denbora eta interesaren arabera.

Eskuin aldean klikatuz gero, tabernen zerrenda irekiko zaizu, bidean kafetxo bat, tragoxkaren bat edota pintxo gozo baten gogoa pizten zaizunean baliatzeko.

Egun erdiko plan horretan, Argiñetara oinez igotzeko parada ere izango duzu, seguru asko. Hogei minutu inguruko ibilbide lasaia da. Ia hemen klikatuta ikusten duzunak animatzen zaituen.

Goiza edo arratsaldean herrian eman ostean, bertan bazkaltzea edo afaltzea erabaki baduzu, jatetxeen aukera ipintzen dugu zure eskura.